Chapter 21:
YaaAawWNnnnnnnn!
Pagbukas ko ng mga mata ko, napatingin ako sa wall clock sa kwarto ko. 9:00?! Di pala ko tinablan ng alarm clock. Buti na lang Sabado ngayon. Pagbaba ko, may isang plato na nakalatag dun.. Tapos may ulam na bacon, hotdog saka rice.
“Siguro pumasok na sina Mama saka Papa.. Si Marielle kaya?”
Chineck ko sa room niya. Wala naman.
“Nasan na kaya yun?”
Nakita ko si Ate Tess nagpaplantsa.
“Ate, nasan si Marielle?”
Ate Tess: “Naku, umalis eh.. inihatid ng Papa mo.. May project ata sila.. Yun yung pagkarinig ko..”
“Ah. Ganun ba. Sige magbreakfast lang ako..”
Kumain muna ako ng almusal. Pagkatapos ko kumain, kukuha sana ako ng pitsel ng tubig ng may napansin akong papel sa may ref.
JC,
Sunduin mo si Marielle ulit kina Tito Bert mo.. mga 4 pm. May lakad kami ng Mama mo, gagamitin namin kotse ko. Yung susi ng kotse ni Mama malapit sa TV. Okay? Ingat.
-Papa-
“So pupunta na naman pala ako kina Tender Juicy?”
Naiwan lang ako sa bahay at pinanood yung DVD ng CSI Season 6 na binili ko nung isang araw. CSI Marathon ito! Mga 2 pm, naligo ko at nag-ayos. 2:30 ako umalis ng bahay kasi mahirap na at baka abutin ako ng traffic. Sabado pa naman. Mga 3 pm nasa Village na ako nina TJ. Naisip ko maglibot-libot muna kasi maaga pa.
“Maganda rin pala tong Village nila ah.”
Nakaabot ako hanggang dun sa park nila. Malaki yung park nila. Malawak saka malinis. Medyo madami nga taong nandun eh.
Tapos.. Napansin ko bigla si..
si.. Alex?
Babalik na sana ako sa bahay nina TJ. Kaso, mukha talaga siyang problemado eh.Basta yung itsura niya parang nagpapanic.. 
Kaya pinarada yung kotse dun sa may gilid ng daan. Tapos nilapitan ko siya..
“Uy, Okay ka lang?”
Tumigil siya kakalakad tapos tinignan ako. Pero, dinedma lang niya ako.
“Mukhang may problema ka eh?”
Alex: “Wala ka nang pakialam dun..”
“Oo nga naman.. Sige mauna na ko..”
Alex: “Uh.. Wait.. Ano bang ginagawa mo dito?”
“Uh.. Wala Sumulpot lang akong parang bula? Hinde.. Susunduin ko uli si Marielle. Wag ka mag-alala wala naman na akong dalang lasagna.. Di na kita tatapunan uli..”
Alex: “Okay fine.. sige.. Tulungan mo na ako.. Nawawala kasi yung pinsan ko.. si Miguel..”
“Miguel?”
Alex: “Oo.. Yung younger brother ni TJ. Dinala ko kasi siya dito. Pinasyal ko lang. Tapos.. biglang nawala siya kanina.. Di ko na alam ang gagawin ko..”
Parang naiiyak na siya.
“Okay.. Wag ka magpanic.. ilang taon na ba siya?”
Alex: “Four years old..”
“Ganito.. maghiwalay na lang tayo sa paghahanap.. tapos after 30 minutes.. kita uli tayo dito sa may swing..”
Alex: “Okay.. Uh.. Wait..”
“Bakit?”
Alex: “Bakit naka-jacket ka? Ang init kaya..”
“Ha.. Eto? Wala lang. Bagong bili kasi ni Mama. Kaya sinuot ko.. Saka pagtingin ko sa salamin.. Mas gwapo pala ko pag nakajacket..” 
Alex: “Ewan ko sayo..” 
Naghiwalay kaming dalawa ni Alex. Nilibot ko yung buong park pero di ko talaga makita. Tinignan ko na yung bawat batang makasalubong ko. Moreno na medyo chubby tapos spike yung buhok. Tapos white shirt saka maong shorts daw ang suot niya. Pero wala pa rin.
Sana nakita ni Alex. Pagbalik ko sa may swing, nandun na si Alex. At walang Miguel.
Alex: “Nakita mo?”
“Wala eh..”
Alex: "Anong gagawin ko ngayon? Baka kung ano na nangyari dun?"
"Wag ka mag-alala.. mahaha--- Teka, umaambon ah.."
Di nagtagal bumuhos ang ulan.
“Naku, umuulan na. Halika, pasok na tayo sa kotse.”
Alex: “Hinde.. Yung pinsan ko pa!”
“Pano yan..”
Hinubad ko yung jacket ko tapos tinalukbong ko kay Alex.
Alex: “Pano ka?”
“Okay lang.. Mahirap na baka magkasakit ka.. Di ba kakagaling mo lang sa lagnat.. Dun tayo sa may ilalim ng puno o..”
Nung papalapit na kami sa may puno.. May narinig akong iyak..
“Narinig mo yun?”
Alex: “Teka, parang si Miguel yun ah.. MIGUEL! Si Ate Alex to.. Nasan ka?”
Tapos may nakita akong gumalaw dun sa loob nung playhouse di kalayuan.
“Tignan mo parang may tao dun sa playhouse.. Baka siya yun..”
Paglapit namin.. Nandun nga si Miguel.. Umiiyak.. Pagkakita kay Alex, niyakap agad siya.
Miguel: “Ate..Ate..”
Alex: “Tahan na.. Dito na si Ate..”
“Tara.. Hatid ko na kayo..”
Pagdating sa bahay nina TJ..
Tito Bert: “O bat basang-basa kayo.. pasok kayo dali..”
Marielle: “Kuya? Ano nangyari?”
Ipinaliwanag ni Alex sa kanila kung ano nangyari.
Tito Bert: “Buti pala dumating ka iho. Salamat ah.."
“Okay lang ho. Sige mauna na po kami ni Marielle. Tumila na po ata yung ulan.”
Alex: “Tito, hatid ko lang po sila hanggang sa gate.”
Sinara ko yung pinto ng kotse pagpasok ni Marielle. Nung papasok na ako ng kotse..
Alex: “Toph..”
“Bakit?”
Alex: “Thanks ah..”
“So.. Ibig sabihin niyan.. bati na ulit tayo?”
Alex: “Oo naman.”
“Pramis yan ah. La na bawian. Sige alis na ko..”
Alex: “Uh.. Friends?”
Napatingin ako kay Alex.
“Talaga?”
Alex: “Ayaw mo?”
“Okay. Friends.”
Ngumiti siya.
Nginitian ko rin siya.
Friends na kami?
0 comments:
Post a Comment