Chapter 28:

Gumising ako mga 8 o' clock na ng umaga. Wala na sina Mama. Malamang pumasok na kaya nagbreakfast akong mag-isa sa baba. Ewan ko ba't di ako tinablan ng alarm clock ko kanina. Paggising ko naman, ang bigat ng pakiramdam ko. Buti na lang 10 pa ang pasok ko.

Buong maghapon, wala ata ako sa sarili ko. Masama pakiramdam ko. Dagdagan mo pa na diredirecho ang class ko mula 10 hanggang 4. Wala man lang break.

Pagkadismiss na pagkadissmiss sa amin sa last class ko, labas agad ako ng room. Pumunta muna kong canteen. Bumili ng iced tea at umupo dun sa malapit sa electric fan. Hinawakan ko yung ulo ko at pinikit yung mata ko. Ano ba naman yan. Pano ko uuwi nito?

Nagulat ako, biglang may tumapik sa akin.

"Uy.. okay ka lang?"

Binuksan ko yung mata ko. Nginitian ko siya at umupo siya sa may harap ko.

"Okay lang.. Medyo nahihilo ko eh.."

Hinawakan ni Alex yung noo ko.

Alex: "May sinat ka.. Nagpunta ka bang clinic?"

"Hindi.. Okay lang.. Pauwi na rin naman na ako.. Pahinga lang ako saglit.."

Alex: "Aba.. Pasaway ka rin ano ah.. Baka mamaya himatayin ka rin.. Di kita kayang buhatin.. Kailan pa binuhat ni Juliet si Romeo.."

Ngumiti ako. Ewan ko ba pero wala akong energy ngayon. Bad trip talaga pag ganito.

Alex: "Wait.. May Biogesic ako dito.. At least matanggal man lang yung hilo mo para makauwi ka.." Sabay binuksan niya yung bag niya para hanapin ata yung gamot.

"Naku.. Wag na.. Ano lang to siguro kasi di pa ako nakakakain.."

Alex: "Ay.. Talagang pasaway ka ah.. Di ka pa kumakain? Bakit? Teka nga.." Tumayo siya bigla. Siguro nag-CR lang. Maya-maya nagulat ako. May dala-dala ng kanin saka ulam, burger at spaghetti.

"Di ka rin gutom no?"

Alex: "Sira.. O Ayan. Kain na.."

"Ha? Sa akin yan?"

Alex: "Hmm.. Di naman.. Bale akin yung burger saka spaghetti.. Sayo tong adobo saka kanin. Para makainom ka ng gamot."

Nilapag niya yung plato sa harap ko. Tapos siya naman inupakan na yung spaghetti.

Alex: "Teka.. Ba di ka pa kumakain?"

"Wala.. Wala lang.." Ako naman, sinimulan ko na rin kainin yung pagkain ko. Tinitignan ko si Alex. Isang platong spaghetti tapos burger pa?

"Diet ka no?"

Alex: "Haha.. Pasensiya.. gutom.." Pagkatapos ko kumain, bumili ako ng mineral water. Pagbalik ko, wala naman na si Alex. Pero nandun pa yung bag niya. Aba. Paglingon ko, nandun.. Bumibili ng donut.

Alex: "O eto.. Biogesic.." Kinuha ko yung tablet at ininom.

"At talaga namang diet ka no.." Bumili siya ng dalawang donut? Di pa siya nabusog kanina?

Alex: "Masarap kaya.. Gusto mo rin ano?" Tapos binibigay niya sa akin yung isa.

"Di ka ba naglunch?"

Alex: "Naglunch.. Tikman mo, masarap to.." Ako naman. Kinuha ko na yung donut. Kinain ko.

Alex: "O ano.. Sarap?"

"Okay lang.. O sige na nga.. Masarap. Masarap siya.."

Napansin ko biglang kumaway si Alex. Tinignan ko kung sino yung kinawayan niya.

Alex: "Si Larisse.."

"Ha?"

Alex: "Siya yung kinawayan ko.."

"San? Nandito siya?" Sabay lingon naman ako at hanap kung nasan. Tapos pagharap ko kay Alex. Tumatawa?

Alex: "Wala.. nakalabas na.. Sabi ko na nga ba.."

"Bakit? Anong sabi mo na nga ba?"

Alex: "Crush mo siya no?"

"Ha.. A-anong crush? Hindi ah.. Di ko crush si Larisse.."

Alex: "Teka, wala naman akong sinabing Larisse ah.. Sabi ko yung ano babaeng yun o.." Sabay turo dun sa babaeng mahaba yung buhok na hindi ko naman kilala.

"Ngeee.."

Alex: "Huli ka.."

"Anong huli?"

Alex: "Okay lang yan.. Madami talagang nagkakagusto kay Larisse.. Kahit noon pa.."

Tahimik lang ako. Baka kung ano pang masabi ko eh. Mabuking pa ko lalo.

Alex: "Isa siyang triple m.."

"Triple M?"

Alex: "Maganda.. Mabait.. Matalino"

"Kaw din naman triple m ah.."

Tapos ngumiti si Alex.

Alex: "Naman.."

"Matakaw.. Macho.. Maganda.."

Alex: "Sapak gusto mo.. Di na nga sana kita sisingilin sa adobo mo eh.. 50 pesos ko?"

"Joke lang.. Sinabi ko na nga maganda eh.."

Alex: "Ngee.."

"So? Sige tuloy mo lang kwento.."

Alex: "Yun nga.. Madaming nanliligaw sa kanya.. Pero ano eh.." Sabay tingin sa akin. "Lahat Basted."

"O Bat nakatingin ka sa akin?"

Alex: "Wala lang.."

"At bat mo nga pala kinukwento sa akin to? Di naman ako nanliligaw ah.. Di ako interesado.."

Alex: "Sinasabi ko lang.. Haay.. Pero pag nakikita ko siya nalulungkot ako sa nangyari sa kanila ni Paolo.."

"Paolo?" Sabay hinawakan niya yung noo ko.

Alex: "Ayan wala ka na sinat masyado.. Mukhang okay-okay ka na.." Tapos kinuha na niya yung mga gamit niya. "Sige, mauna na ko. Ingat.."

"Ha.. Teka.. Sinong Paolo?"

Nginitian ako ni Alex.

Alex: "Kala ko ba di ka interesado ha? Buh-Bye.."

Okay?




















Sinong Paolo yun? ???