torpe

Chapter 29:

Nakauwi naman ako ng maayos. Tumalab-talab naman yung Biogesic ni Alex. Pero pagdating ko sa bahay, direcho tulog agad ako pagkatapos magbihis. Hindi na nga ako nakapagdinner eh.

Maaga ako gumising kinabukasan. Eh mga 6 ata ng gabi tulog na ako eh. Ayos na pakiramdam ko. Buti naman. At dahil Miyerkules, walang pasok. Tambay na naman ako sa bahay. Haay. Nag-breakfast kami sabay-sabay nina Mama, Papa saka Marielle.

Mama: "May lakad ka ba iho?"

"Wala.. Dito lang po ko bahay.."

Marielle: "Ay, Ma.. May papabili po pala ko sa inyo, kailangan ko sa school bukas eh.."

Mama: "Naku, may board meeting ako mamaya.. Wala akong time.. Pa?"

Papa: "Gagabihin din ako ngayon eh.."

Mama: "JC.. kaw na lang, pwede?"

"Sure, ano bang bibilhin?"

Marielle: "Konti lang naman.. nasa may malapit sa telephone yung list.."

"Okay.."

Mga 9 o' clock ako naligo. Nanood muna ako ng TV. Mga 10:30 ako nagbihis tapos saka nagpaalam kay Ate Tess. Habang nasa taxi, binuklat ko yung papel na iniwan ni Marielle.

"Hmm.. Eto lang pala eh.. 2 1/8 illustration, 2 black cartolina, art paper, 1 inch styro balls..."

Dumirecho na ako agad ng National Bookstore para bilhin yung mga kailangan ni Marielle. Kumuha ko nung red na basket at nagikot-ikot na sa loob para kunin yung materials. Bumili na rin ako ng 3 bagong ballpen ko. Pawala na yung tinta eh nung akin eh. Kinuha ko ulet yung papel at chineck yung mga kailangan niya habang naglalakad.

"illustration board.. checked.. cartolina.. checked.. art paper.. checked.. styro balls.. checked.. nap--" Nanlaki mata ko. Bat hindi ko to napansin kanina?!

"ARAY!" Hala. May nabunggo pala ko! Pagtingala ko kung sino. Aba naman.

"Uy.."

Alex: "Ano ginagawa mo dito? Ang sakit nun ah.."

"Sorry ah.. May pinapabili kasi sa akin si Marielle.. Sige.."

Alex: "Sige.. may bibilhin lang din ako.."

Umalis din si Alex. Naiwan ako dung nakatitig dun sa papel. "Anong gagawin ko?" Sa totoo lang, di ko talaga nakita to kanina eh. "Napkin?" Iisipin ko sana yung napkin na napkin kaso napkin na 'girl thing' ika-nga nga ni Marielle kasi may nakasulat pang brand eh.

"Naku po.." Habang piniproblema ko kung pano bibili, pumila na rin ako sa counter. Tapos nabaling ang tingin ko kay Alex, nandun siya sa may books section. Naghahanap ata ng libro.

"Alam ko na.." Pagkatapos, kung bayaran yung mga pinamili ko. Pinuntahan ko na si Alex. Tumayo ko dun sa harap niya.

Alex: "Ano ginagawa mo diyan?"

"Anong hinahanap mong libro?"

Alex: "Ha? House of Spirits. Kailangan ko kasi si Eng12.. Bakit?"

Pagkasabi niya nun, umalis ako agad. Pagbalik ko dala-dala ko na yung librong hinahanap niya. Paano? Kasi nakabili na ko nun dati kaya lam ko na kung san nakapwesto yun.. nag-Eng12 din kasi ako.

Alex: "Okaaay? Thanks.." Nagsalubong yung kilay niya. Nagtataka ata. Pumunta siya sa counter para magbayad. Sinundan ko naman siya.

Alex: "Hmm.. Kung di tayo magkakilala, mapagkakamalan kitang stalker ah.."

"Grabe ka naman.. Sinasamahan ko lang naman yung kaibigan ko ah.."

Alex: "Talaga lang ha?"

Pagkatapos niyang magbayad. Lumabas na siyang bookstore. Ako naman sunod pa rin. Makulit ako pag may kailangan eh. Kinalabit ko siya. Lumingon naman siya.

"Uhmm.. Favor?"

Alex: "Kaya pala ah.."

Nilabas ko yung listahan. Tapos tinuro ko yung pinapabili ni Marielle. Natawa siya bigla.

Alex: "Kaya mo na yan no.." Tapos nagpatuloy siya maglakad. Ano ba naman tong babaeng to? Hinabol ko naman siya.

"Uy. Sige na.."

Alex: "May mga kailangan pa kasi akong bilhin eh.."

"Okay.. Samahan kita.. Ako magdadala ng mga bibilhin mo.."

Tinignan naman niya ko tapos ngumiti siya.

Alex: "Talaga lang ha?"

"Opo.."

Ayun. Kinuha ko na rin yung dala-dala niyang libro. Tapos sinamahan ko siyang maglibot sa mall. Okay din ang mga trip nitong si Alex eh. Kala ko pupunta kami sa mga kadalasang pinupuntahan ni Marielle tulad ng Body Shop, Watsons, Cinderella. Pero hindi eh. Unang pinasukan namin, Odyssey, sunod American Boulevard, Human, Guess. Yung mga nabili niya, cap, cap uli, DVD, at t-shirt ata yung huli. Pumunta kaming department store naman, akala ko kung san kami pupunta. O Hinde.. mukhang alam ko na kun san.

"Psst.."

Alex: "Bakit?"

"Dun ka ba pupunta?" Tinuro ko yung Lingerie Section.

Alex: "Hmm.. Pano mo nalaman? Nagdududa na talaga ko sayo ah.." Sabay tawa.

"Ngee.. Sige, mauna ka na. Hintayin na lang kita dito sa may malapit sa counter."

Alex: "Ano ka hilo?"

"Ba--Bakit?"

Alex: "Madami kasi akong kailangang bilhin. Pinapabili ni Lola Papadala ko sa US yun eh."

"So?"

Alex: "Kala ko ba ikaw magbibitbit?"

"Ano??"

Alex: "Sige.. Okay lang.."

"Fine.. Fine.." Ako naman sumunod sa kanya. Palingon-lingon naman ako at baka may makakita sa akin. Si Alex naman panay buklat ng underwear. Ano ba naman to.

Alex: "Hmm.. Toph.. Sa tingin mo okay na ba yung L o XL yung Lola ko?" Sabay pakita pa sa akin nung underwear. WAAAAAAAAAAAAAAHHH. Tulong?!

Pagkatapos ng 1 million years, natapos din ang pagbili ni Alex. Ang dami ngang pinamili ni Alex. At ako ang pinagdala niya ha?! Pinagtitinginan nga ako nung mga salesday dun eh. Grrrrr.

"O Ayan.. Tapos pwede ako naman.."

Alex: "Oo na.. Bibilhin ko na.."

Pumunta na rin sa wakas si Alex sa Watsons para bumili nung pinapabili ng utol ko. Pagkabigay na bigay niya sa akin nung plastic, kinuha ko agad tapos binigay ko na rin sa kanya yung mga binili niya.

"Sige.. uwi na ko.."

Alex: "Wait.."

"Bakit? May bibilhin ka pa?"

Alex: "Hindi naman.. Baka kako gutom ka na rin?"

"Eh kung lilibre mo ba naman ako di ba? Okay lang sana. Di mo rin naman ako masyado pinagod?"

Alex: "Hmm.. Sorry na.. Libre ko.."

"Aba.. Sige ba.."

Naglakad kami ni Alex papasok ng McDo. Biglang nagvibrate yung phone ko.

1 message received







opening message..


















From: Marielle
kuya, nkalmutan ko. wag mo na bilhin yung huling cnulat ko ha. cge. ingat.
















"Ano daw??!!!"