Chapter 74:

Pagtingin ko sa relo ko, 2:30 pm pa rin. Teka, parang ang bagal naman ng relo ko. Tinignan ko yung phone ko. 4:00 na?!

"Pare.. alis na ako.."

Stephen: "Uwi ka na?"

"Hinde.. Farewell daw kasi sa Socsci 1 eh.."

Pagdating ko sa room, nandun na yung mga kaklase ko pati yung prof. ko. Konti na nga lang sila eh.

“Magdadala pala ng pagkain.. di ko alam..”

Emm: “Ang dami na niyan.. sobra-sobra na nga eh.. Kumuha ka ng pagkain..”

Kumuha ako ng plato tapos kumain ng kaunti. Busog naman na ako. Nakipagkwentuhan ako dun sa mga kaklase kong nandun.

“Emm, si Alex?”

Emm: “Uh.. Nag-CR lang ata.. Andyan pa bag niya eh o..”

“Ganun ba?”

Paglingon ko, nakita kong pumasok si Alex sa room.

“Pssst!”

Lumingon siya. Nagulat ata nung nakita ako. Ngumiti lang. Lumapit ako sa kanya.

“Long time no see ah..”

Alex: "O nga eh.."

Nagulat ako bigla niyang kinuha yung bag niya sa upuan.

Alex: “Kailangan ko na pala umuwi..”

“Ha? Bat naman.. Kakadating ko lang ah..”

Ngumiti siya.

Alex: “Ang aga mo kasi dumating di ba... Sige..”

Paalis na siya nung pinigilan ko.

“Uh.. Alex.. Next time, libre kita para makabawi naman.”

Alex: “Ha? Para san? Dun sa dati na naman.. Wala yun.. Di rin naman ako nakapunta di ba?”

“Kahit na...”

Alex: "Sige.. Next time.."

"Okay.."

Alex: “Uh.. Yung kamay ko?"

“Ay.. Sorry..”

Sabay bitaw ko sa kamay niya.

Alex: “Para kang tuko kung kumapit ah..”

“Grabe ka naman..”

Tumawa siya.

Alex: “Sige.. Mauna na ko.. Happy Sembreak pala..”

“Ingat..”

Bumalik ako at nakipag-usap ulit dun sa mga classmates ko pati na rin sa prof. ko. Kwentuhan kung anu-ano. Mga quarter to five na nga ako umalis dun eh.

Naglakad ako papuntang sakayan. Pumila ako dun sa pagkahaba-habang pila. Haay. Palingon-lingon ako nun nang nakita ko.. si Alex?? Nandun siya sa may tapat patingin-tingin sa kanan at kaliwa. Mukhang patawid siya ng kalsada. Akala ko umuwi na yun?

Tumatawid na siya nung..

"Alex!!"

Nagkatinginan kami. Napatigil siyang maglakad nung nakita ako.

*BEEP BEEP*

Napatingin ako sa kaliwa. May paparating na jeep.

Oh Sh*t

Si Alex!!!