Wedding Coordinator: "Aba.. Friends pala kayo.."
Ngumiti na lang kaming dalawa.
Wedding Coordinator: "So eto na pala yung garter o.. Upo ka dito, princess.."
Pinaupo si Alex dun sa may upuan. Ako naman parang ewan nakatayo lang dun sa tabi hawak-hawak yung garter.
Wedding Coordinator: "O ayan.. isuot mo sa kanya.."
Oo alam ko isusuot ko sa kanya yun. Pero uh.. Ang diyahe naman nun.
Lumapit ako sa kanya at lumuhod nang onti. Nagkatinginan kami ni Alex. Mukhang nag-aalangan din siya eh.
Tumingin ako dun sa wedding coordinator.
"Pwede sa kamay na lang isuot.."
Tumawa lang sila. Malamang akala nila nagjojoke lang ako. Dahan-dahan kong isinuot yung garter. Una sa may paanan lang niya... Sigawan naman yung mga tao. Naguilty tuloy ako kasi naalala ko nakikisigaw din ako pag mga ganito eh..
"Woohoo.. Higher.. Higher pa!.."
Nanginginig na kaya ko habang inaakyat yung garter. Inaakyat ko hanggang sa may tuhod na niya.Tumigil na ako saka tumayo.
"Okay na yan.."
Pinatayo din si Alex. Kinuha ko yung panyo ko. Pinagpawisan ako dun ah. ::)Lumapit sa aming dalawa yung bride saka groom.
Wedding Coordinator: "Ngayon.. Para sa inyong dalawa.. Kailangang may magtouch na parte ng katawan sa inyo.. Kahit anong part.. Tapos yung bride saka groom.. siyempre magkikiss.. Mga 10 seconds.. Okay?"
Nagkatinginan kami ni Alex. Napasubo ako dito ah.
Wedding Coordinator: "Sige.. 1.. 2.. 3.. Go.."
Dahan-dahan ko na lang na nilapit yung kamay ko sa kanya.
Tapos naghawak kami ng kamay.
"10.. 9.."
Ewan ko. Ang bilis ng paghinga ko ah.
"8.. 7.."
Ang tagal naman ng lecheng ten seconds na yan!
"6.. 5.. 4.."
Sumilip ako ng konti kay Alex. Nakapikit siya tapos kagat-kagat na naman niya yung lower lip niya.
"3.. 2.. and 1.."
Nakahinga rin ako ng maluwag. Nagbitaw kami ng mga kamay ni Alex.
Pagkatapos nun, wala naman kaming sinabi sa isa't isa. Umupo na uli kami sa mga upuan namin.
Nagpatuloy yung program ng reception. Mga 3:30 na natapos. Pagkatapos nun, nagbigay ng message yung bagong mag-asawa saka nag-end. Nauna na akong lumabas. Hinintay ko na lang sina Marielle sa may kotse kasi nag-C.R pa ata sila saka sina Mama kinausap pa si Ate Liza.
Nakatayo ako dun nung nakita ko si Alex palakad papunta sa direksyon ko. Kinabahan ako bigla. Siguro kasi diyahe talaga yung kanina. Papunta pala siya sa van na katabi nung pinagparadahan namin. Nung nagkatinginan kami, walang kahit anong lumabas sa bibig ko pati sa kanya.
Ngumiti lang kami sa isa't isa.
Mag-dadalawang linggo na ang nakalipas. Ang bilis din ng panahon ah.
"Yaaawn.."
Bumangon ako sa kama. Pupungas pungas pa ako ng mata. Ginugutom na ako ah. Nagulat na lang ako.
"Cyrus!! Insan!!"
Lumapit ako sa kanya at tulad ng lagi naming ginagawa nung bata, nagrewrestling kunyari.
"Musta? Tagal mong di napadaan dito ah.."
Cyrus: "Alam mo naman sembreak din eh.. Saka graduating na to, pare.."
Si Cyrus. 4th year College na yan. Kung tutuusin dapat, kinukuya ko yan, pero di uso sa amin yun eh.
Cyrus: "Napadaan lang ako dito eh.."
"Ganyan ka naman.."
Pumunta kami sa kwarto ko. Parang kapatid ko na rin yun eh, palitan kami madalas ng mga CD.
Umupo siya dun sa may kama ko.
"Cy.. Ligo lang ako.."
Kinuha ko yung twalya at dumirechong banyo. Paglabas ko, pumunta akong kwarto. Nakita ko si Cyrus, nagtitingin siya sa may CD Rack ko malapit sa desk.
Cyrus: "Pahiram nito ah.."
"Sige.. Balik mo ah.."
Ngumiti lang si Cyrus tapos umupo siya may kama ko.
Cyrus: "Mustah mga chicks natin ah.. Meron na ba.."
"Wala.. wala.."
Cyrus: "Kunyari ka pa.. eh sino to.."
Sabay pakita pa niya ng picture. Hinablot ko yung picture sa kanya. Kala ko kung ano. Picture pala namin ni Alex nung kasal. Nakuha niya siguro sa may desk ko.
"Wala.. partner ko nung kasal nung pinsan ko.. sa mother side.."
Cyrus: "Talaga lang ha.. Eh bat nasa ilalim ng unan mo?"
"Ano?! Sira ulo.."
Tumawa lang si Cyrus. Lakas mantrip ah.
Cyrus: "Pero maganda ah.."
"Ha?"
Tinignan ko yung picture.
"Oo nga.. Maganda siya.. Kaklase ko yan last sem eh.."
Cyrus: "Aba. Type mo yang chick na yan noh.. Sa wakas, nagbibinata na si insan.."
"Ano ka ba?! Hinde.. Di kami talo niyan.. Hinde.."
0 comments:
Post a Comment