Chapter 93:

Maya-maya narinig ko na pababa na si Alex. Dali-dali kong binalik yung photo album sa lalagyanan.

Alex: "O eto.. Sorry medyo natagalan ako sa paghanap.."

Kinuha ko yung CD sa kanya.

"Ay.. Okay lang yun.. Pano.. Uwi nako.. Thanks.."

Hinatid ako ni Alex hanggang gate nila. Nakita ko si Manang Delia sa may harap nagdidilig.

"Sige po.. Mauna na ko.."

Manang Delia: "Ingat iho.."

Naglakad na ko palayo.. Napatigil ako nang kaunti nung narinig ko yung usapan nilang dalawa.

Manang Delia: "May tumawag pala sayo kanina.. Si Sister Beth.. Yung sa Saturday daw, kung okay lang daw, magdala ka ng camera?"

Alex: "Ah.. Sige po.."

Ano kaya yun? Teka, wala siya sa Sabado. Hmmm..

Nung Sabado na, medyo maaga ako nagising. Sabay-sabay kaming kumain ng family ko. Nung mga 8:30 na, naisipan kong tumawag sa kanila.

RIIIIIINGG..

Medyo matagal bago may sumagot. Maya-maya may narinig na rin akong boses sa kabilang line.

“Hello?”

Yung kapatid ni Alex.

Nung una hindi ako nakapagsalita..

Tristan: “Sino to? Hello?”

“Uh.. Si Toph po to..”

Tristan: “Ha? Wala si Alex eh..”

“Kayo po sana ang gusto ko makausap..”

Tristan: “Seryoso ka ba? Bakit?”

“Kasi po di ba malapit na yung birthday ni Alex.. Eh magdedebut na pala siya..”

Tristan: “Oo nga.. Wala naman siyang balak magpaparty sa araw na yun.. Malamang pupunta lang siya sa Little Angels..”

“Little Angels?”

Tristan: “Pag Sabado kasi, wala siya.. Dun siya pumupunta.. Bahay-ampunan siya na kumukupkop sa mga bata.. Napalapit na kasi yung loob ni Alex sa mga bata lalo na nung nawala yung kapatid namin..”

Natahimik ako. Tapos may naisip akong plano.

“Uh.. Kung papayag po sana kayo.. May isusuggest sana ako..”

Ayun sinabi ko yung plano ko sa kanya. Medyo natagalan nga ng onti eh.

Tristan: “Sige.. sasabihin ko muna sa kanya..”

“Naku… Wag po.. Sana kung pwede.. Sorpresa na lang natin sa kanya..”

Tristan: “Uh.. Okay.. Sabihin ko na rin sa parents namin..”

Nakahinga na ako ng maluwag nung pumayag na yung kapatid ni Alex.

Kinabukasan, nakatanggap ako ng text galing kay Tristan. Okay daw. Pumayag yung parents nila.

Napangiti ako.

Two Weeks to prepare. Sana maging okay ang lahat.

Kahit anong mangyari, I want her birthday to be very special.

Very.